Një oficer shërbimi në policinë e Tiranës ka kallëzuar penalisht deputetet e partisë demokratike të cilët hynë me forcë në ambientet e drejtorisë duke përdorur edhe dhunë ndaj tij.
Përplasja ndodhi pasditen e 16 shkurtit, në ambinetet e drejtorisë, atje ku u shoqëruan protestuesit e opozitës për akte të dhunshme para kryeministrisë.
Deputeti Noka dhe Strazimiri, u përplasën fizikisht me punonjësin e policisë.
Ndërkohë janë sekuestruar edhe kamerat e sigurisë në drejtorinë e tiranës për të parë edhe veprimet e disa deputetëve të tjerë që hynë me forcë.
Hetimet kryesisht kanë nisur për godtije për shkak të detyrës dhe kundërshtim të punonjësit të policisë.
Deputetet e Partisë Demokratike akuzuan krerët e policisë se pas protestës po festonin duke konsumuar alkool në zyrë ndërkohë që sipas burimeve ata kanë debatuar ashpër edhe drejtuesin e lartë të uniformave blu Gjovalin Loka.