Ndërsa situata sa vjen e përkeqësohet në Lindjen e Mesme, Tel Avivi ka bërë me dije se ka vrarë një tjetër anëtar të rëndësishëm të Hezbollah.
“Adham Jahout, anëtar i “Rrjetit Terrorist të Golanit” në kuadër të Hezbollahut, është vrarë nga një sulm ajror në zonën e Kuneitras në Siri. Jahout ka qenë duke mbledhur inteligjencë nga burime brenda regjimit sirian, dhe ka lehtësuar operacione kundër Izraelit në Rrafshnaltën e Golanit”, tha ushtria izraelite.
Po ashtu ushtria në një tjetër njoftim ka deklaruar se ka eliminuar edhe dy komandantë të Hezbollahut, ndërsa aeroplanët izraelite kanë sulmuar depo të municionit në zonën e Bejrutit dhe në jug të Libanit.
Tel Avivi po vijon të kryej sulme të reja, ndërsa Shtetet e Bashkuara, aleatët kryesore të Izraelit, kanë deklaruar se bombardimet Liban janë të ngjashme me ato që kanë shkatërruar Gazën.
Sakaq Uashingtoni i ka bërë thirrje izraelit të adresojë menjëherë kushtet katastrofike në Gaza.
“Këto kushte katastrofike ishin parashikuar muaj më parë, por ende nuk janë adresuar. Kjo duhet të ndryshojë dhe tani”, tha Linda Thomas-Greenfield, ambasadore e SHBA në OKB.
Ambsadorja e SHBA-ve në OKB Greenfield gjithashtu u shpreh kundër Tel Avivit për të dëbuar përgjithmonë palestinezët nga Gaza
“Nuk duhet të ketë asnjë ndryshim demografik apo territorial në Rripin e Gazës, duke përfshirë çdo veprim që zvogëlon territorin e Gazës”, u shpreh ajo.
Forcat izraelite kanë vrarë katër palestinezë në Khan Younis dhe tre në kampin e refugjatëve Jabalia pasi Kombet e Bashkuara u detyruan të mbyllnin shkollat dhe spitalet në Gazën veriore. /vizionplus.tv
