Izraeli duhet të përgatitet për dozën e katërt të vaksinës kundër koronavirusit.
Mesazhi u dërgua nga kreu i Komitetit Shkencor që menaxhon situatën e pandemisë në vend, Salman Zarka.
“Meqenëse virusi është këtu dhe do të vazhdojë të jetë këtu, ne duhet të përgatitemi për një dozë të katërt”, tha ai duke folur për mediat vendase.
Ai nuk specifikoi, megjithatë, kur ishte planifikuar të ndodhte kjo.
Izraeli u bë vendi i parë në botë që filloi dozën e tretë, me vaksinën Pfizer, ndërsa kohët e fundit uli kufirin përkatës të moshës nga 30 në 12 vjet.
