Politikani i njohur Kastriot Islami mëngjesin e kësaj të marte nga emisioni 7 pa 5 në Vizion Plus është shprehur se Shqipëria duhet të nxjerrë leksione nga një situatë e tilla emergjence.

 

Ish deputeti i PD-së dhe PS-së është shprehur se menaxhimi i situatave të emergjencave nuk do shoë televiziv siç po bën kryeministri Rama, por do punë në terren dhe hartim planesh se si të bëhet një menaxhim dhe hartim sa më i shpejtë i raporteve të dëmeve të shkaktuara.

 

“Shqipëria nuk ka kapacitetet për të përballuar kriza të fuqishme, situata të tilla emergjencash na japin leksione. Nëse duam të menaxhojmë një krizë është e rëndësisshme se duhet punë dhe shoë i television, e dyta që është e rëndëssishme është se në ngritjen e nje grupi emergjencash duhet të ketë plane që punohen shpejt. Menaxhimi i krizave nuk bëhet me dalje në televizion.  Kur bëhet fjalë për investime në emergjenca gjithmonë neglizhohet dhe justifikohen me faktin se jemi të varfër. Por edhe kur je i varfër nuk është justifikim,pasi varfëria ndryshon. Ajo që ra në sy në këtë rast ishte njësia e menaxhimit të emergjencave që nga 51 viktima do të kishim një reduktim numri. Por na u desh që të vinin grupet e emergjencave nga vendet e tjera për të ardhur në ndihmë. Emergjencave tona ju mungonin dhe mjetet bazë dhe për këtë mban përgjegjësi qeveria e cila smund të ketë asnjë justifikim.”

 

Politikani Islami është shprehur ndër të tjera se shtyrja e gjëndjes së fatkeqësisë natyrore nuk është asgjë tjetër, vetëm shtyrje e shfaqjes teatrale që po përpiqet të japë kryeministri Edi Rama para qytetarëve.

 

“Mua më shqetëson fakti qe shtyrja e kësaj emergjence është shtyerja e showt teatral se nëse do të bëhej nuk do të kishte nevojë për shtyrje. Edi Rama është një nxënës i katrës dhe nuk kam parë asnjë lloj detaji. S’ka asnjë informacion të detajuar. Njerëzit nuk duan batutat e Ramës me kryebashkiakët kanë nevojë për punë. Është e turpshme që akoma nuk ka një bilanc te qartë në lidhje me atë që ka ndodhur,sa është numri i ndërtesave të dëmtuara që janë shkatërruara,të dëmtuara dhe nuk ka asnjë numër të saktë të njerëzve që duhet të zhvendosen. Nuk ka një plan të qartë.”

 

Ndërkohë ka theksuar faktin se shqiptarët duhet të durojnë edhe tre muaj shtryrjen e shfaqjes teatrale nga ana e qeverisë shqiptare.

Leave a Reply

Your email address will not be published. Required fields are marked *