Policia e Tiranës ka arrestuar një 37-vjeçar, pasi akuzohet për vjedhjen e disa banesave.
Në pranga ka rënë shtetasi B. Ç., banues në Babrru, i cili rezulton të ketë qenë dënuar edhe më parë për vjedhje.
Po ashtu, të arrestuarit i janë zbardhur edhe tre raste të tjera të vjedhjes në banesa të kryera gjatë vitit 2019.
Grabitësit i është sekuestruar në momentin e ndalimit një çantë shpine, në të cilën mbante disa prej sendeve të vjedhura.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vjedhja”.
