Inteligjencia Gjermane ka ngritur alarmin se janë identifikuar 1600 persona potencialë për lidhje me ISIS në vend.
Deklarata është bërë nga drejtori i shërbimeve sekrete të brendshme, Hans Georg Maassen në kongresin e policisë europiane të mbajtur në Berlin. Sipas tij “numërohen rreth 1.600 persona potencialisht të përfshirë në skenën e terrorizmit islamik”. Prej tyre, Agjencia Federale e Antikrimit ka listuar rreth 570 persona si më të rrezikshëm se të tjerët.
Më herët kancelarja Merkel ka deklaruar se lufta ndaj terrorizmit është prioriteti numër një për Gjermaninë, e cila ishte shënjestër e këtyre sulmeve në prag të Krishtlindjes.