Çmimet u shtrenjtuan ndjeshëm edhe gjatë qershorit, duke rënduar edhe më tej xhepat e konsumatorëve shqiptarë.
Të dhënat e instat tregojnë se inflacioni muajin e shkuar ishte 7.4%, nga 6.7 % që u regjistrua në maj, duke shënuar një tjetër rekord të ri përgjatë dy dekadave të fundit.
Rritja më e madhe e çmimeve vijoi për grupin e ushqimeve dhe të karburanteve, të cilat zënë edhe peshën kryesore në buxhetin e familjeve.
Banka e Shqipërisë ka paralajmëruar se inflacioni do të vijojë kurbën rritëse përgjatë gjithë vitit, ndërsa qeveria nuk ka zyrtarizuar ende një paketë të dytë mbështetëse për grupet në nevojë.
