Sekretari i Mbrojtjes Lloyd Austin ka zhvilluar një bisedë telefonike me ministrin rust ë Mbrojtjes. Sergei Shoigu. Në fokus të diskutimit mes dy homologëve raportohet se ishte incidenti i të hënës që detyroi një dron amerikan të rrëzohej në Detin e Zi.

 

Megjithatë zyrtari amerikan nuk ka dhënë detaje rreth bisedës me ministrin rus.

 

Ai përshkroi dinamikën e incidentit duke theksuar se dy avionë rusë hodhën karburant në dronin amerikan që po kryente operacione rutinë në hapësirën ajrore ndërkombëtare. Më pas, një avion goditi avionin amerikan MQ-9, duke rezultuar në një përplasje.

 

Nga ana tjetër Rusia ka mohuar akuzat duket pretenduar se nuk ka pasur kontakt të drejtpërdrejtë me dronin.

 

“Avionët rusë u përfshinë në sjellje të rrezikshme, të pamatur dhe joprofesionale në hapësirën ajrore ndërkombëtare mbi Detin e Zi”, tha sekretari amerikan. “Incidenti është pjesë e një modeli të sjelljes agresive, të rrezikshme dhe të pasigurt” nga Rusia, shtoi Austin.

 

Leave a Reply

Your email address will not be published. Required fields are marked *