Meta: Inkurajoj negociatat për kompromis

Kryetari i kuvendit Ilir Meta inkurajon intensifikimin e kontakteve mes palëve për gjetjen e kompromisit për miratimin e reformës në drejtësi.
Në një deklarate për mediat, kryeparlamentari Meta thotë se përmes një komunikimi konstruktiv dhe pa paragjykime, përfshirë edhe një takim mes kryeministrit Rama dhe kryetarit të opozitës Basha, mund gjendet një zgjidhje në përputhje me rekomandimin 88 të Komisionit të Venecias. Sipas tij, për të vetmen çështje që mban palët larg kompromisit. Për Metën, kjo është e vetmja rrugë për t’u dhënë shqiptarëve reformën e domosdoshme në drejtësi. Kreu i kuvendit shprehet se u njoh me draftin e propozimit hibrid për implementimin e rekomandimit 88 të opinionit final të komisionit të Venecias dhe shpreh vlerësimin e tij për përpjekjet e ndërmarra për votimin e reformës. Pak minuta më pas, ka reaguar edhe kreu i opozitës Lulzim Basha, i cili thotë se reforma në drejtësi kërkon gjithëpërfshirje dhe jo përjashtime siç ka bere dhe po vazhdon te beje kryeministri Rama. Basha shprehet se kreu i qeverisë asnjëherë, nuk e mori seriozisht reformën ne drejtësi, por e trajtoi si instrument pushteti, për larje llogarish dhe intriga politike.