Dy persona të shpallur në kërkuim nga autoritetet e Kosovës kanë rënë në prangat e policisë së Fierit.
Në kuadër të operacionit të koduar “Rrjeta” është ndaluar 56-vjeçari A.I i shpallur në kërkim ndërkombëtar A.I., 56 vjeç, banues në Fier.
Ndaj këtij shtetasi gjykata Themelore në Prishtinë ka dërguar urdhër-arresti për veprat penale “Krim i organizuar” dhe “Blerje, posedim, shpërndarje dhe shitje e paautorizuar e narkotikëve të rrezikshëm’.
Gjithashtu, gjatë operacionit, në ambientet e një lokali në Fier, u bë kapja dhe arrestimi në flagrancë i djalit të tij shtetasi A. I., 33 vjeç, banues në Fier.
Nga kontrolli personal i ushtruar, 33-vjeçarit iu gjet një armë zjarri pistoletë, një krehër me 15 fishekë dhe një mjet prerës (biçak), të cilat iu sekuestruan në cilësinë e provës materiale.
