Mediat italiane kanë dhënë detaje të reja nga kapja e një gomoneje me 605 kg kanabis nga ana e Guardia Di Finanza mbrëmjen e 31 dhjetorit në afërsi të Brindisit.
Në pranga u vu një Italian 37 vjeçar dhe një person nga Vlora 54 vjeç.
Ata akuzohen për trafik ndërkombëtar droge, ndërsa gomonia u pikas nga njësitë e kufirit të Guardia di Finanza.
Autoritetet italiane thirren në ndihmë edhe forcat e operacionit “Triton 2017” të agjencisë “Frontex”.
Gomonia 6 metra e gjatë kishte motorë të fuqishëm, pasi pavarësisht ngarkesës lëvizte me shpejtësi. Sipas policisë pas ndalimit në bord u gjetën 41 pako të mbushura me kanabis me peshë totale 605 kg vlera të cilës arrinte në 6 milionë euro.
Vetëm përgjatë vitit 2017 ne brigjet Italiane janë sekuestruar 36 ton kanabis të nisura nga Shqipëria. Ne pranga kane përfunduar 52 skafistë dhe 26 persona të tjerë bashkëpunëtorë.
