Trafikantët e drogës përdorin çdo mjet për të fshehur sasitë e lëndëve narkotike, që synojnë t’i nxjerrin jashtë kufijve.
Këto pamje tregojnë sasinë e radhës të kanabisit që këtë radhe ishte futur në tuba plastikë, që po transportoheshin përmes këtij kamioni.
Droga ishte fshehur në 99 tuba plastike brenda kamionit, i cili u bllokua në Kapshticë, teksa synonte të kalonte drejt vendit fqinj, Greqisë.
Në total u sekuestruan 71 kg drogë, ndërsa në pranga u vu drejtuesi i mjetit Qani Mançe. Ky i fundit akuzohet për trafik ndërkombëtar të lëndëve narkotike dhe çështja e tij i kalon për kompetencë prokurorisë së krimeve të rënda.
