Policia e Tiranës ka finalizuar me sukses operacionin policor të koduar “Final”, duke vënë në pranga një 37-vjeçar të dënuar me 7 vite burg për mashtrim kompjuterik.
Shërbimet e Forcës së Posaçme Operacionale, në bashkëpunim me Seksionin për Krimin Kibernetik, bënë të mundur lokalizimin dhe kapjen e shtetasit Denis Trungu, në zonën e Kombinatit, Tiranë.
Sipas autoriteteve, Gjykata e kishte dënuar më parë me vendim të formës së prerë Trungun, për veprën penale “Mashtrim kompjuterik”, pasi në vitin 2020 kishte përfituar 15 milionë lekë të reja në mënyrë të paligjshme.
Hetimet zbuluan se ai kishte ndërhyrë në sistemin dixhital “E-filing”, duke transferuar në mënyrë të paligjshme në llogarinë e tij bankare 36 “paga lufte”, të destinuara për qytetarët gjatë pandemisë.
Materialet procedurale i janë referuar Prokurorisë së Tiranës për veprime të mëtejshme.
/vizionplus.tv
