Policia e komisariatit nr.1 ka zbardhur gjashtë raste vjedhjesh të ndodhura më parë në zonën e liqenit të Farkës.
Një person u arrestua dhe një tjetër u shpall në kërkim në kuadër të operacionit “Liqeni” ku u sekuestruan një mjet, pult dhe një aparat i cili iu shërbente autorëve për bllokimin e valëve të pultit për mbylljen e automjeteve.
Në pranga përfundoi 33 vjecari banues në Vlorë me iniciale A. A., 32 vjeç, (i dënuar më parë për “Vjedhje të kryer në bashkëpunim).
Ndërkohe u shpall në kërkim dhe po punohet për kapjen e shtetasit K. K., 32 vjeç (i dënuar më parë për “Vjedhje”).
Këta dy persona dyshohet se janë autorë të vjedhjeve të ndodhura në parkimet e automjeteve në zonën e liqenit të Farkës, ku pasi thyenin xhamat e automjeteve dhe bllokonin me një aparat valët e pultit për mbylljen e automjetit, merrnin nga mjetet sendet që ndodheshin brenda tyre.
Pamjet filmike kanë evidentuar se këta dy shtetas janë autorë të 6 vjedhjeve të kryera më parë në automjete në zonën e liqenit të Farkës, konkretisht:
– Më datë 17.09.2019 i kanë vjedhur portofolin shtetasit P. Ll.;
– Më datë 17.09.2019, shtetasit E. R., në parkimin e një lokali në zonën liqenit të Farkës i kanë vjedhur nga mjeti portofolin dhe një palë syze;
– Më datë 15.08.2019, shtetasit K. M., i kanë vjedhur nga automjeti i parkuar në zonën e liqenit të Farkës portofolin;
– Më datë 16.08.2019, shtetasit Z. P., i kanë vjedhur nga automjeti i parkuar në zonën e liqenit të Farkës një çantë;
– Më datë 30.08.2019, shtetasit D. S., në zonën e liqenit të Farkës i kanë vjedhur nga automjeti dy çanta dore;
– Më datë 09.07.2019, shtetasit S. T., në zonën e liqenit të Farkës i kanë vjedhur nga automjeti sendet personale.
