Në Shkodër kushdo që kishte nevojë të ngutshme për para, mund ta zgjidhte hallin duke marrë menjëherë lek me fajde. Por ky moment shënonte edhe nisjen e një kavlavri vështirësish, që përfundonte me marrjen e pronave të tyre.
Grupi kriminal I jepte huatë me interesa qe varionin nga 3 deri ne 20 përqind në javë. Për shumë njerëz kjo ishte e papërballueshme, duke u detyruar të linin në fund toka, dyqane, makina e prona të tjera.
Por veprimtaria kriminale mori fund këtë të enjtes me operacionin “Maranaj”.
12 anëtarë të bandës u arrestuan dhe 3 te tjere u shpallën në kërkim.
Në total, në aktivitete ishin përfshirë 22 vetë.
Mes personave të prangosur është edhe ish-kancelari i Gjykatës së Shkodrës Artan Dragani. Ndërsa noterja Valbona Hajdari si dhe polici Ergys Lohja, janë pezulluar nga detyra.
Pas verifikimit, të gjitha pronat e sekuestra nga këta persona do tiu kthehen pronarëve.
Ndaj të arrestuarve rëndojnë katër akuza: ushtrim pa licencë I veprimtarisë bankare, pastrim parash, shpërdorim detyre dhe moskallëzim krimi.
Operacioni u përshëndet edhe nga kryeministri rama. Ai ka përgëzuar punën e policisë në këtë super operacion.
“Sot Shkodra është më e qetë e më e sigurtë se asnjëherë dhe Policia e Shtetit çdo ditë më efikas. RESPEKT”, shkruan Rama në rrjetet sociale.