Seanca gjyqësore ndaj Emiljano Shullazin në Apel, u zhvillua mes debateve të shumta mes Gilmando Danit dhe gjyqtares Saida Dollanit.
Dani i kërkoi llogari gjyqtares që të tregojë emrat e personave për të cilët ajo pretendon se e kanë kërcënuar në emër të anëtarëve të dosjes Shullazi.
Ndonëse gjyqtarja vendosi të heshtë, Dani vijoi ti kërkojë llogari trupës gjykuese, ndërsa kjo e fundit e gjobiti atë me 300 mijë lekë të vjetra për fyerje të etikës.
Ndërkohë pas këtyre debateve, gjykata vendosi të largojë Danin nga seanca.
Ky vendim irritoi edhe avokatët, të cilët u detyruan të braktisin sallën e gjyqit.