Ligji për gjuhën shqipe nuk do të jetë në 30 ligjet paketë të qeverisë së re në Maqedoni, kanë bërë me dije nga LSDM-ja.
“Aktualisht nuk është planifikuar një afat që përcakton se ligji për përdorimin e gjuhëve do të hyjë në procedure parlamentare. Qeveria është duke përgatitur 30 ligje paketë që përfshijnë çështje të tjera që janë të lidhura direkt me përmirësimin e jetës së qytetarëve dhe kjo pike nuk është në mesin e tyre”, thuhet në deklaratën e kësaj partie.
Ndërkohë, nga BDI-ja thonë se çështja e gjuhës do të jetë në kuadër të propozim planit që përgatitet në kuadër të reformave të kërkuara nga Bashkimi Evropian.
Megjithatë partnerët e koalicionit deklaruan se në ndërkohë do të zhvillojnë koordinim konkret për këtë çështje, për të qartësuar qëndrimet e tyre.
