Gjermania kujton këtë të shtunë 30 vjetorin e ribashkimit, duke i dhën fund ndarjes së dy Gjermanive, asaj Lindore dhe Perëndimore pas katër dekadave gjatë Luftës së Ftohtë.
Megjithatë festimet janë si asnjëherë më parë, shumë të reduktuara, për shkak ë pandemisë së koronavirusit.
Në ceremoninë festive në Potsdam, presidenti Steinmeier hodhi idenë e monumentit përkujtimor për revolucionin paqësor, të cilin e cilësoi “yll ndriçues që përjetësisht do të ketë vendin e tij në historinë demokratike gjermane.”
Ndërsa kancelarja Merkel e quan unitetin gjerman detyrë të së ardhmes.
ANGELA MERKEL
KANCELARE E GJERMANISE
“Ne kemi arritur shumë në këto 30 vjet. Kemi arritur të zvogëlojmë ndjeshëm dallimet në kushtet e jetesës midis Gjermanisë lindore dhe perëndimore. Por ndryshimet strukturore mbeten. Nevoiten përpjekje të mëtejshme, ndaj do të duhet të angazhohemi ende me shumë fuqi për një unitet të tillë.
Gjermania Lindore u bashkua me republikën federale perëndimore më pak se një vit pasi sundimtarët komunistë të lindjes, nën presionin e protestave në rritje, rrënuan Murin e Berlinit dhe pjesën tjetër të kufirit të fortifikuar midis dy shteteve.
