Juristi Çlirim Gjata deklaroi për gjatë emisionit “Quo Vadis” se kryeministri Edi Rama nuk e lëshon Kryepolicin Ardi Veliu sepse i ka besuar këtij të fundit të gjitha krimet e tij.
Sipas Gjatës, Veliu di çdo lidhje të Ramës me krimin ndërkombëtar dhe kanabisin.
“Ardi Veliu di të gjitha lidhjet e Edi Ramës me krimin ndërkombëtar dhe kanabisin. Pse e mban? Për lidhjet që ka me krimin e organizuar, trafikun ndërkombëtar. Keni dëgjuar për një oficer të SHÇBA që i kërkoi Gjermania të largohet se na ka dekonspiruar? E pezulluan, por nuk e kanë arrestuar sepse ju di të gjitha sekretet. Prandaj e mban Ardi Veliun ai. E mban si dorë të fortë për të shtypur çdo lloj proteste e revolte. E mban për zgjedhjet që vijnë, për të kërcënuar njerëzit, për të vjedhur votat. Ardi Veliu duhet të hyjë në burg sepse ka shpërdoruar detyrën. Ardi Veliu ka dashur të mashtrojë.”
