Akademiku Artan Fuga ka reaguar pas vendimit të kryeministrit Edi Rama se duke filluar nga muaji tetori deri në mars të vitit 2021 nuk do të lejohet lëvizja me makina në fundjavë.

Fuga tha në “Facebook” se kreu i qeverisë ka shkelur Kushtetutën, ndërsa propozoi me ironi që shqiptarëve t’iu ndalohet ngrënia e mishit, konsumimi i pijeve alkoolike, dalja në plazhe.

Pra, sipas tij, t’iu ndalohet gjithçka që Zoti nuk ka kërkuar.

“Pasi dëgjova zotin Edi Rama në videon e tij në fcb, si qytetar i devotshëm dhe i bindur, që nisur nga përvoja e covidi19, do të nxjerri së shpejti fermanin që pas shtatorit deri në pranverën e vitit 2020 pastaj deri në 2050, nuk do të lejojë këmbë makine të qarkullojë që shqiptarët t’i kushtohen familjeve, kalamajve, mjedisit (hahahahahaha!), duke rishkelur me disa këmbë njëherësh Kushtetutën, propozoj si nismë nga poshtë: Qe nga 15 qershori dhe deri ditën e gjyqit të fundit, nisur nga përvoja e muajit të shenjtë kur agjërohet, t’u ndalohet shqiptarëve të hanë dhe të pinë veç orëve të caktuara, t’u ndalohet edhe seksi, në mënyrë që ata t’i kushtohen gjithë jetës mendimeve të mira, solidaritetit, shpirtërisht të pastrohen dhe kështu të … vetë spastrohen! Ndalohet mishi, jo vetëm i derrave! Ndalohen pijet alkoolike, jo vetëm rakia! Ndalohet tymosja! Ndalohet dalja në plazhe! Ndalohet…Pra, atë që as Allahu i madh dhe i gjithëmëshirshëm, lartësuar qoftë emri i tij, nuk na e ka kërkuar!”

One thought on “Fundjavat pa makina/ Fuga ironi me vendimet e Ramës: Shqiptarëve t’iu ndalohet edhe seksi

  1. Nje akademik merret me politik
    I dhjefsha shkollen qe ka ber
    Tashti nuk po merret vesh kush esht i bardh apo I zi
    Ini mbledhur te gjith ne nje grop haleje

Leave a Reply

Your email address will not be published.