Prej 5 ditësh flakët vijojnë të djegin masivin pyjor me pisha në malin Balgjajt në Klos. Mësohet se deri tani janë shkrumbuar afro 100 hektarë. Banorët edhe pse kanë ndërhyrë nuk kanë arritur t’i neutralizojnë vatrat aktive të zjarrit.
Edhe ndërhyrja e forcave të armatosura nuk ka dhënë rezultat për shkak të terrenit të vështirë malor dhe pamundësisë për të mbërritur në afërsi të vatrave aktive. Autoritetet vendore kanë kërkuar prej ditësh te ndërhyhet nga ajri, por një gjë e tillë deri tani nuk ka ndodhur
Thuajse e njëjta situate paraqitet edhe masivin tjetër pyjor atë të fshatit Macukull të Matit. Prej katër ditësh flaket po përpijnë sipërfaqet disa hektarësh, ndërsa forcat zjarrfikëse e kanë të pamundur ndërhyrjen në rrugë tokësore.
