Prokuroria Kombëtare Financiare franceze njoftoi sot hapjen e një hetimi paraprak mbi punësimet parlamentare të dy vajzave adoleshente të ministrit të Brendshëm, Bruno Le Roux.
Hetimi iu besua Zyrës Qendrore të Luftës Kundër Korrupsionit dhe Shkeljeve Financiare dhe Fiskale pas këtyre zbulimeve që ndodhën në mes të fushatës zgjedhore, disa javë pas skandalit për punësimet fiktive të dyshuara nga kandidati konservator, François Fillon me pjesëtarë të familjes së tij.
Sipas stacionit televiziv, TMC, Bruno Le Roux, 51 vjeç, ka paguar vajzat e tij me kontratë afatshkurtër, ndërkohë që ishin gjimnaziste dhe më pas studente, në vitet 2009 dhe 2016, për një shumë prej rreth 55 000 euro.
Në kontratat e para ato ishin vetëm 15-16 vjeçe.
“Kur dikush është i lidhur me autoritetin shtetëror, është i pastër përballë institucioneve dhe rregullave që vendosen”, deklaroi kryeministri, Bernard Cazeneuve.
Veteran i Partisë Socialiste, Bruno Le Roux u zgjodh deputet në vitin 1997, më pas i rizgjodh deri në hyrjen në qeveri dhjetorin e kaluar, një post kyç në një vend nën kërcënim të lartë terrorist.
