Maqedonia e Veriut kualifikohet për herë të parë në historinë e saj në Europianin e 2021. Skuadra e drejtuar nga Angelovski siguroi mbrëmjen e të enjtes dhe biletën për fazën finale të turneut. Maqedonasit mundën 1-0 në transfertë Gjeorgjinë në ndeshjen e vlefshme për play-offin e Ligës D.
Në radhët e skuadrës maqedonase u aktivizuan që nga minuta e parë dhe disa nga shqiptarët e skuadrës si Bejtulai, Ademi, Musliu dhe Alioski që e ndihmuan ekipin për këtë kualifikim historik
Për golin e vetëm të sfidës mendoi kapiteni Goran Pandev, i cili finalizoi pas një aksioni te bukur, duke dërguar topin në rrjetë.
Maqedonia mposhti në gjysmëfinale Kosovën para se përballej me Gjeorgjinë për të prerë biletën në turneun e vitit të ardhshëm. Ndërkohë sipas formulës, Maqedonia e Veriut do jetë në grupin C, së bashku me Ukrainën, Holandën dhe Austrinë.
Ndërkohë në ndeshjet e tjera të play-offit , Skocia mundi Serbinë me penallti, Hungaria mundi 2-1 me përmbysje Islandën ndërsa Sllovakia fitoi 2-1 me Irlandën e Veriut.
