Presidenti i Turqisë, Recep Tayyip Erdogan, u bëri thirrje udhëheqësve të Evropës të marrin përgjegjësi për refugjatët nga Afganistani.
“Turqia nuk ka ndërmend të bëhet njësia e magazinimit të emigrantëve në Evropë, përballë kaosit të vazhdueshëm”, tha ai.
Erdogan shtoi se Turqia mund të përfshihet në diskutime me një qeveri të udhëhequr nga talebanët në Afganistan, për axhendat e tyre të përbashkëta.
Qysh kur Afganistanin e morën në dorë talebanët, dhjetëra mijëra afganë janë përpjekur të evakuohen dhe një pjesë e mirë kanë kaluar në Turqi. Vendet e BE-së nuk janë treguar fort mikpritëse.
