Eno Peçi rikthehet në Tiranë, por këtë herë si koreograf. Frymëzuar nga Shqipëria e atyre viteve që jetoi përpara se të ngjitej në skenat europiane, balerini solist i trupës vjeneze, vjen si koreograf me pjesën Exil.
Megjithatë, ai do të ngjitet në skenën e Akademisë së Arteve edhe si balerin. Rrëfen se këtë nuk e kishte parashikuar, por publiku shqiptar do ta shohë edhe kështu.
Baleti me dy pjesë Exil e De Ja Vu do të hapë perdet për publikun në 25 dhe 26 nëntor në Akademinë e Arteve.
