Kongresmeni amerikan Eliot L. Engel, ka folur për situatën politike në të cilën ndodhet Shqipëria javët e fundit.
Në reagimin e tij Engel thekson se palët politike në Shqipëri janë në një ngërç dhe duhet patjetër që midis tyre të ketë dialog sipas ligjit.
“Shqipëria ka bërë hapa të mëdha që prej viteve të saj nën diktaturën e Hoxhës dhe populli shqiptar ka investuar shumë për të parë rrënjët e demokracisë së tyre. Marrëdhënia e fortë dhe e ngrohtë e SHBA-Shqipëri ka ndihmuar në nxitjen e këtyre zhvillimeve. Prandaj, unë jam shumë i shqetësuar nga ajo që dëshmoj në ditët dhe javët e fundit, pasi udhëheqësit politikë shqiptarë duket se kanë arritur një bllokim politik. Në një përpjekje për të zvogëluar tensionet dhe për t’u larguar nga konfrontimet, u bëj thirrje të gjitha palëve të vetëpërmbahen dhe të ndalojnë të gjitha qaktet e dhunës. Kjo mosmarrëveshje mund të zgjidhet vetëm me dialog dhe sipas ligjit.
Ndër të tjera në deklaratën e tij ai ka theksuar se Shqipëria ësht vend anëtar në NATO dhe meriton një të ardhme evropiane, por krizat e përsëritura rreth zgjedhjeve minojnë atë rrugë përpara.
Gjithashtu Engel ka bërë thirrje popullit shqiptar të rifitojë veten për një angazhim politik paqësor dhe për një proces zgjedhor të denjë për një anëtar të familjes demokratike të Atlantikut të Veriut të kombeve demokratike.
