Një 35-vjeçar dhe 31-vjeçar janë arrestuar këtë të premte nga policia e Korçës. Ata ishin bashkëpunëtorë për shitjen e dozave të kanabisit në këtë qytet
35-vjeçari i identifikuar si Andrea Barmashi, ndërkohë që ishte me masë sigurie “Arrest në shtëpi”, për veprën penale “Prodhimi dhe shitja e narkotikëve”, përgatiste dozat e kanabisit, ndërsa 31-vjeçari, Taulant Gjatolli i merrte dhe i shiste në qytet.
Sipas njoftimit zyrtar janë sekuestruar doza kanabisi që u gjetën në banesën e 35-vjeçarit dhe gjatë kontrollit fizik ndaj 31-vjeçarit.
“Specialistët e Seksionit për Hetimin e Narkotikëve të DVP Korçë, në bashkëpunim me Forcën e Posaçme “Shqiponja”, si rezultat i veprimeve hetimore të kryera pas informacioneve të siguruara nga inteligjenca informative, goditën një rast të shitjes së lëndëve narkotike, në doza. Në vijim të veprimeve për këtë rast, në kuadër të operacionit të koduar “Porta”, u arrestuan në flagrancë për veprën penale “Prodhimi dhe shitja e narkotikëve”, kryer në bashkëpunim, shtetasit:
A.B., 35 vjeç, banues në Korçë, aktualisht me masë sigurie “Arrest në shtëpi”, për veprën penale “Prodhimi dhe shitja e narkotikëve”;
T.Gj., 31 vjeç, banues në fshatin Bulgarec, aktualisht me masë “Detyrim paraqitjeje”, për veprën penale “Mashtrimi kompjuterik”.
Shtetasi T. Gj. u kap në flagrancë, në lagjen nr. 18., Korçë, me doza të lëndës së dyshuar narkotike kanabis, të cilat sapo ia kishte marrë shtetasit A. B., me qëllim shitjen në qytet.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftim.
/vizionplus.tv
