Markeljan Cungu, 24-vjeçari i arrestuar në dhjetor të vitit të kaluar në Kosovë, është ekstraduar këtë të mërkurë në drejtim të Tiranës. Cungu dyshohet si autor i më shumë se 500 vjedhjeve te banesave dhe bizneseve.
Ai është autor edhe i grabitjes me armë në allias, ku mbetën të plagosur një çift bashkëshortësh. Këtë krim, Markeljan Cungu e kreu vetëm pak ditë pasi kishte dalë nga burgu.
Ai mban rekord për numrin e vjedhjeve dhe grabitjeve në vend, duke u shoqëruar për herë të parë në polici që në moshën 9-vjeçare.
