Oborret e bukura shkodrane do të kthehen në kinema të hapura e skena muzikore përgjatë 5 ditëve. Në kryeqendrën e veriut nisi rrugëtimin festivali i filmit “Ekrani i Artit”, në edicionin e tij të 6-të.
Të pranishëm ishin artistë nga e gjithë Shqipëria, ndërsa risi këtë vit është pjesëmarrja e më shumë artistëve nga Kosova.
EDI MUKA
DREJTUESI ARTISTIK I FESTIVALIT
Kemi shumë pjesëmarrës dhe kemi realisht shumë punë të mira.
ZEF PACI
KRITIK ARTI
kemi shumë artistë nga Kosova këtë vit dhe kjo është një vlerë e shtuar.
I pranishëm në çeljen e festivalit ishte edhe Drejtori i Institutit Italian të Artit, që këtë vit mbështeti këtë iniciativë.
ALESSANDRO RUGGERA
DREJTORI I INSTITUTIT ITALIAN
“Kjo është një iniciativë e rëndësishme për artin shqiptar që zhvillohet në Shkodër. Është edhe një tregues i lidhjeve të ngushta mes dy vendeve tona”.
Drejtori i festivalit, Adrian Paci, u ndal tek rëndësia që kanë mesazhet e dala nga ky festival, që vjen si një klithmë për artin shqiptar.
ADRIAN PACI
DREJTOR I FESTIVALIT
Ne flasim për turizmin kulturor dhe shumë mirë bëjnë, por arti në vetvet është më shumë se kaq, është ndjesi
“Ekrani i Artit” ka lindur si një projekt që kërkon të promovojë lidhjet midis artit bashkëkohor dhe kinemasë, dhe i huazuar nga ‘Lo Schermo dell’Arte’, festivali i filmit dhe artit bashkëkohorë që zhvillohet në Firenze prej vitit 2008.
