Ish-anëtari i Këshillit Kombëtar të PD, Edvin Kulluri, i cili nuk i kursen asnjëhere kritikat për Lulzim Bashën, zbuloi në “Zgjedhje 2021” se për kë do të votojë në 25 prill.
Edhe pse nuk beson që PD do të arrijë një fitore, Kulluri deklaroi se vota e tij do të shkojë për PD vetëm për shkak të Sali Berishës.
Për Kullurin, PD ka nevojë për riformatim.
“Nuk shoh ndonjë projekt të djathtë të qartë. Edhe tek lëvizjet e reja kam parë paqartësi. Themi që kemi opozitë të bashkuar, por kemi PD të përçarë. Kemi opozitë të bashkuar, por kemi dy lista. Nuk shoh ndonjë entuziazëm aq të madh për fitore. E djathat ka nevojë që të riformatohet. Këtë e kanë kuptuar 40 për qind e shqiptarëve që nuk votojnë. Unë do votoj. Po ta deklaroj votën hapur. Do të votoj për Sali Berishën, në respekt të traditës së PD. Ne duhet të respektojmë traditën më të mirë të PD, që ne sot nuk e respektojmë.”
