Këngëtarja me famë ndërkombëtare, Dua Lipa, e cila ndodhet prej disa ditësh me pushime në Shqipëri së bashku me familjen e saj, nuk ndalet së postuari foto dhe video nga vendet më piktoreske.
Së fundmi, artistja është shfaqur duke kërcyer nën ritmet e një kënge popullore shqiptare.
Me një gotë raki vendosur në kokë dhe një shami në dorë, ajo ka publikuar videon në llogarinë e saj të “Instagram”, duke kërcyer në ritmin e” Hajde luj qyqek”, kënduar nga Nexhat dhe Remzie Osmani.
“Më thuaj se je shqiptare, pa më thënë se je shqiptare”, shkruan artistja me famë botërore krahas pamjeve.
