Pas takimit me kryeministrin Rama në ambjentet e sallës së Kuvendit, foli për mediat drejtuesit i shoqatës së fermereve Eduart Sharka.
Ai tregoi disa detaje nga takimi me Kreun e qeverisë duke pohuar se u ra dakort që palët të ulen të diskutojnë, pasi fermeret janë në gjëndje shumë të vështirë.
“Ne mendojmë se qeveria nuk e njeh problemet reale të fermerëve. 30% e fermerëve nuk kanë porositur për të mbjellë, sepse kanë 3 sezone që dështojnë. Ramë dakord që cilësia e imputeve bujqësore është e pa garantuar. Në rast se ekspertët e qeverisë ulen me ne dhe marrin në konsideratë problemet tona, mund të zgjidhim diçka.Kryeministri pranoi këndvështrimin tonë. Ramë dakord që të ulemi dhe të diskutojmë”, tha kreu i shoqatës Eduart Sharka.
