Një 52-vjeçar, i arrestuar për dhunë në familje, u gjend i vetëvarur mbrëmjen e 1 gushtit nga personeli policor.
Viktima identifikohet si shtetasi me iniciale T.T., i cili ishte shoqëruar për rreth 3 orë në ambientet e dhomave të shoqërimit të DVP Durrës, pas denoncimit të familjarëve të tij.
Dyshohet se 52-vjeçari ka qenë nën efektin e pijeve alkolike dhe akti është kryer në kohën kur familjarët e tij po shpjegonin në Polici, rrethanat e ngjarjes për dhunën në familje.
Nga aba tjetër, janë proceduar penalisht 2 punonjës policie për shpërdorim detyre. Bëhet fjalë për A.Ç., në funksionin e ndihmës specialistit në Zyrën e Informacionit në DVP Durrës dhe G.B., me detyrë Specialist i Policimit në Zonë.
