Forcat ajrore të Izraelit kanë vrarë të paktën 146 palestinezë në sulme të reja në Gaza gjatë 24 orëve të fundit dhe plagosën shumë të tjerë, ndërsa Tel Avivi po bëhet gati për të vazhduar një ofensivë të re tokësore masive.
Sulmet izraelite që nga e enjtja kanë parë një nga fazat më vdekjeprurëse të bombardimeve që nga prishja e armëpushimit në mars.
Sulmet e fundit erdhën ndërsa Presidenti i SHBA-së Donald Trump përfundoi turneun e tij në Lindjen e Mesme të premten pa ndonjë përparim të dukshëm drejt një armëpushimi të ri.
Ushtria izraelite tha këtë të shtunë se po kryente sulme të gjera dhe po mobilizonte trupa si pjesë e përgatitjeve për të zgjeruar operacionet në Rripin e Gazës dhe për të arritur kontroll operacional në zonat e enklavës palestineze.
Sistemi shëndetësor i Gazës është thuajse jofunksional, me spitalet që janë goditur në mënyrë të përsëritur nga ushtria izraelite gjatë luftës 19-mujore dhe me furnizimet mjekësore që po shterohen, pasi Izraeli e ka shtrënguar bllokadën kufitare që nga muaji mars.
Përshkallëzimi që përfshin edhe grumbullimin e forcave të blinduara përgjatë kufirit, është pjesë e fazave fillestare të ‘Operacionit Karrocat e Gideonit’, që Izraeli thotë se synon të mposhtë Hamasin dhe të rikthejë pengjet e tij.
Organizatat ndërkombëtare përfshirë Kombete e bashkuara po bëjnë thirrje për krizën humanitare në Gaza dhe parandalimin e një situatë katastrofike.
/vizionplus.tv
