Maqedonia e Veriut konfirmon 7 jetë të humbura dhe 89 raste të reja me Covid-19 në 24 orët e fundit.
Lajmi bëhet i ditur nga ministria e Shëndetësisë, ku konfirmohet se janë kryer 1529 mostra.
Instituti i Shëndetit Publik brenda 24 orëve ka regjistruar edhe 215 pacientë të shëruar.
Sipas të dhënave të fundit, numri total i personave të vdekur nga Covid-19 ka arritur në 585.
Që nga fillimi i pandemisë, në Maqedoninë e Veriut janë diagnostikuar gjithsej 14,004 persona.
Prej tyre, 10,722 pacientë janë shëruar, ndersa numri i rasteve aktive është 2.697.