Çmimi Nobel në Fizikë për vitin 2017 i është dhënë Rainer Weiss, Barry C. Barish dhe Kip S. Thorne për punën e tyre në zbulimin e valëve gravitacionale. Të tre shkencëtarët amerikanë dhanë kontribute vendimtare tek detektori LIGO, një instrument observator që zbulon valët gravitacionale.
Valët më të forta gravitacionale janë prodhuar nga ngjarje katastrofike, të tilla si përplasja e vrimave të zeza. detektori LIGO është në thelb një “teleskop i vrimës së zezë”, që lejon shkencëtarët të “shohin” atë që ishte më parë e padukshme.
Më 14 shtator 2015, valët gravitacionale të universit u vëzhguan për herë të parë. Valët, të cilat u parashikuan nga Albert Einstein njëqind vjet më parë, erdhën nga një përplasje midis dy vrimave të zeza dhe arritën në detektorin LIGO në SHBA.
Sinjali ishte jashtëzakonisht i dobët kur arriti në Tokë, por tashmë po premton një revolucion në astrofizikë. Valët gravitacionale janë një mënyrë krejtësisht e re për të vëzhguar ngjarjet më të dhunshme në hapësirë dhe për të testuar kufijtë e njohurive tona – sqaroi Komisioni i Çmimit Nobel.
Vëzhgimi fizik i valëve për herë të parë me LIGO ka provuar besimin e Ajnshtajnit në ekzistencën e tyre, siç e shprehu në vitin 1916 në teorinë e tij të relativitetit.
