Ne Mynih po zhvillohet sesioni i 54 i Konferencës se Sigurisë, një nder aktivitete me te rëndësishme, ku mblidhen liderët e botes për te diskutuar mbi sfidat e sigurisë.
Delegacioni shqiptare është drejtuar nga ministri i jashtëm Ditmir Bushati, i cili nder te tjera, ka shfrytëzuar këtë aktivitet për te zhvilluar takime me homologet e tij.
Ai bisedoi me ministrin e jashtëm te Spanjës, Alfonso Dastis, duke i kërkuar përfshirje me aktive te Madridit ne Ballkanin Perëndimor.
Ne te njëjtën kohe, Bushati ka nënvizuar se Shqipëria pret mbështetjen e Spanjës përsa i takon hapjes së negociatave me BE-në.
Kreu i diplomacisë shqiptare ka prekur dhe çështjen e Kosovës, duke i kërkuar homologut spanjoll qe vendi i tij te njoh pavarësinë, pasi Kosova nuk ka asgjë të përbashkët me rastin e Katalonjës.
Gjatë punimeve të konferencës, Ministri Bushati është takuar dhe me ministrin e Jashtëm të Turqisë, Mevlut Çavusoglu, ku ne njoftimin e te dy ministrive thuhet se janë diskutuar çështjet dypalëshe por edhe çështje qe lidhen ne rajon. Bushati shtrëngoi duart edhe me homologun e tij japonez, me të cilin bisedoi për rritjen e bashkëpunimit ekonomik mes dy vendeve.
