Brazili vazhdon të dominojë grupin me rezultate pozitive teksa regjistroi dhe fitoren e tretë në Kualifikueset për Botërorin 2022.
“Seleçao” mundi me rezultatin minimal 1-0 në shtëpi Venezuelën, në një ndeshje ku ndjehej mungesa e yjeve të skuadrës. Goli i vetëm u shënua nga Firminon, i cili dërgoi topin në rrjetë pa shumë vështirësi. Pas këtij triumfi, Brazili regjistron 9 pikë në 3 ndeshje dhe kryeson e vetme me pikë të plota kualifikueset.
Nga ana tjetër Kili mori fitoren e parë ne eliminatore teksa mundi Perunë me rezultatin 2-0. Protagonisti kryesor ishte padyshim , Arturo Vidal me golat e tij që çoi skuadrën në kuotën e 4 pikëve dhe rriti shpresat për t’u kthyer mes 5 vendeve të para që të sigurojnë një biletë për Botërorin.
Më herët dhe Argjentina nuk shkoi më shumë se një barazim 1-1 me Paraguaj në shtëpi ndërsa Uruguaji fitoi më rezultatin e thellë 3-0 në një fushë shumë të vështirë siç është ajo e Kolumbisë.
Ndeshjet e tjera janë në datën 18 nëntor , ku Uruguajn e pret një ndeshje e vështirë kundër Brazilit që është favorit bashkë me Argjentinën për dy vendet e para në renditjen kontinentale. Në Amerikën e Jugut katër skuadrat e para kualifikohen direkt në Botëror ndërsa e pesta shkon në play-off ndërkontinental.