Zëdhënësi i Presidencës, Tedi Blushi ka vënë në shënjestër Sekretarin e Përgjithshëm të PS, Taulant Balla. Në një postim në “Facebook”, Blushi iu kundërpërgjigj Ballës pas fotos që ky i fundit publikoi për presidentin Ilir Meta dhe Altin Hajrin. Tedi Blushi paralajmëroi Ballën se shumë shpejt do të japë llogari për aferat e tij.
“Ciu Ciu Tao Tao! Sa për foton, bie erë inceneratorësh kjo flluskë e mjerë! Por mos humb më asnjë sekondë! Çoje direkt drejt SPAK-ut ta sqarojnë ata, meqë u jep edhe direktiva publike! Bashkë me të edhe bisedën e freskët tek zyra e një ministreshe të famshme për t’i ekstraduar të vëllanë nga Italia në Shqipëri! Publikoje më mirë vetë bisedën! Bashkë me to tregoi SPAK-ut edhe shokët e motrës! Bëj durim Tao se nuk do gjesh as ti vrimë ku të futesh! DËGJOJE prapë SOVRANIN dhe bëj durim! Me qetësi dhe drejtësi!”
Këtë të mërkurë zëdhënësi i Ballës, Besian Ajazi bëri publike një foto, ku Meta ishte duke drekuar me Altin Hajrin në kompleksin “Golden”, të sekuestruar nga OFL.
