“Unë mbetem kandidat dhe do të fitoj përsëri zgjedhjet presidenciale”, ka theksuar sonte Presidenti i Shteteve të Bashkuara të Amerikës, Joe Biden, në vazhdën e valës së dyshimeve ndaj tij. Presidenti demokrat përsëriti se ai mbetet në garë për zgjedhjet presidenciale të nëntorit.

Më herët, guvernatorja demokrate e Massachusetts, Maura Healy i kërkoi Bidenit që “të dëgjojë popullin amerikan dhe të shqyrtojë me kujdes nëse ai mbetet shpresa më e mirë për të mposhtur Donald Trump”, ndërsa shqetësimet shëndetësore u intensifikuan pas debatit katastrofik për gjendjen e tij mendore.

Lexo edhe :

Related Posts

Sipas Washington Post, senatori Mark Warner po përpiqet të mbledhë një grup senatorësh të tjerë demokratë, të cilët do t’i kërkojnë Bidenit të largohet nga gara.

Zëdhënësja e tij, Rachel Cohen, as konfirmoi dhe as mohoi se senatori beson se Biden duhet të tërhiqet.

“Ashtu si shumë të tjerë në Uashington dhe vend, senatori Warner beson se këto janë ditë kritike për fushatën e Presidentit dhe ia ka bërë të qartë Shtëpisë së Bardhë”, tha ajo në një deklaratë. /vizionplus.tv

Leave a Reply

Your email address will not be published. Required fields are marked *