Presidenti amerikan Joe Biden ka thënë se Izraeli ka filluar të humbasë mbështetjen në mbarë botën.
Biden iu referua shqetësimeve dhe alarmit të komunitetit ndërkombëtar për bombardimin e Gazës.
Megjithatë, Biden nuk dha asnjë tregues se Izraeli po humbiste mbështetjen e SHBA-së për fushatën e tij ushtarake, pavarësisht shqetësimit në rritje të administratës së tij për koston e madhe në jetët e palestinezëve dhe shkatërrimin e infrastrukturës civile, shkruan BBC.
Presidenti gjithashtu komentoi mosmarrëveshjet me Izraelin mbi planet për të ardhmen e Gazës.
Ai tha se qeveria e kryeministrit Benjamin Netanyahu ishte kundër një zgjidhjeje me dy shtete me palestinezët, diçka që zyrtarët e lartë të Biden e kanë promovuar si rrugën e pasluftës.
Dhe ai i kërkoi Netanyahut “të forcojë dhe ndryshojë qeverinë më konservatore në historinë e Izraelit”, në mënyrë që të gjejë një zgjidhje afatgjatë për konfliktin izraelito-palestinez./vizionplus.tv
