Nga Elbasani, ku organizoi “Foltoren” e radhës, ish-kryeministri Sali Berisha iu kërkoi demokratëve që të përgatiten për protestat më të fuqishme për të larguar qeverinë.
Por, për aktivisten Brizida Gjikondi, Berisha mbetet një lider i pabesë që kërkon të marrë udhëheqjen e Partisë Demokratike.
E ftuar në Spotlight nga Alban Dudushi, në Vizion Plus, Gjikondi u shpreh se me takimin në Elbasan, Berisha i vuri kokën muhabetit.
“Berishën, unë e kam parë gjatë gjithë kohës si një lider të pabesë. Është elitar në pabesinë e tij dhe unë spot e lexova që më në fund i vuri kokë muhabetit. Doli hapur që ambicia e tij nuk ka qenë as znj.Kokalari që erdhi nga Amerika, as persona të tjerë që janë hedhur në tregun mediatik. Por, ai të gjithë ambicien e ka që të rizgjidhet kryetar, të marrë dhe Partinë Demokratike në këtë tragjedi të tij poltike dhe personale me Amerikën.”
