Lideri i opozitës Lulzim Basha u takua me strukturat e PD në Malësi të Madhe, ku komentoi situatën politike në vend.

Ai tha se Edi Rama u braktis nga shqiptarët me 30 qershor dhe për të mbrojtur këtë tezë të tijën dhe tre argumenta.

Së pari sipas Bashës, edhe OSBE-ODIHR në raportin paraprak konfirmoi se 30 qershori nuk ishte për popullin por ishte për një grusht njerëzish afër Ramës që duhet të ishin në burg për vjedhje votash në të kaluarën.

Së dyti sipas,liderit demokrat, 30 qershori nuk ka asnjë kuptim kur vendi është krizë të paimagjinueshme ekonomike dhe parate shkojnë vetëm në duart e disa oligarkëve. E së treti, sipas Bashës, 30 qershori bëri që falë rezistencës së PD, shqiptarët të vrasin frikën.

 

 

“Me 30 qershor Edi Ramën e braktisën edhe socialistët e ndershëm. Populli e braktisi për tre arsye kryesore:

 

  1. Sepse e kuptoi, që siç thotë edhe raporti I OSBE-ODIHR, 30 qershori nuk ishte për popullin, madje nuk ishte as për PS-në. 30 qershori ishte për Edi Ramën dhe për kriminelët e hajdutët që qeveris. 30 qershori ishte për Paulin Stërkajn, për Ymer Lalën, Emiljano Shullazin, për Damian Gjiknurin, për Ulsi Manjën. Shkurt 30 qershori ishte për një grusht njerëzish që sot duhet të ishin në burg, jo në politikë.

 

  1. Arsyeja e dytë ka të bëjë me faktin se kriza ekonomike në vend ka arritur një pikë të paimagjinueshme. Njerëzit janë keq për bukën e gojës. Kjo situatë ka një shkaktar dhe një përgjegjës që ka marrë gjithë pasuritë dhe ekonominë e vendit dhe ia ka dorëzuar 5 oligarkëve dhe 5 kriminelëve me të cilët pastron dhe ndan bashkë fitimet. Ky është “babloku I madh” që i thotë Ymer Lala. Është “babloku i madh” për kriminelët dhe oligarkët, por jo për popullin. Kriza ekonomike ka një shkaktar dhe ky është Edi Rama.

 

  1. Arsyeja e tretë pse ndodhi 30 qershori është për shkak të rezistencës sonë. Qëndresa jonë ka arritur dy gjëra: ka vetëdijësuar shqiptarët dhe u ka vrarë frikën shqiptarëve

 

 

Basha shtoi para mbështetesve të PD, se tani objektiv I kësaj force politike nuk është vetëm largimi I Ramës por ardhja në pushtet përmes zgjedhjeve të lira dhe të ndershme.

 

 

Përgjegjësia jonë tani është ta marrim këtë energji të 30 qershorit dhe ta transformojmë në një energji për ndryshimin e Shqipërisë. Ky është premtimi për shqiptarët, jo thjesht largimi I Edi Ramës. Moralisht dhe politikisht ai është I rrëzuar. Detyra jonë kryesore është që kësaj shumice të 30 qershorit t’i japim formën dhe dimensionet e shumicës qeverisëse nëpërmjet zgjedhjeve të lira e të ndershme që mbeten objektivi kryesor I lëvizjes që filluam së bashku me 16 shkurt.”

Leave a Reply

Your email address will not be published. Required fields are marked *