Me rastin e 1 qershorit, kryedemokrati Lulzim Basha shkruan se fëmijët janë forca për të tejkaluar çdo sfidë në kohë të vështira dhe motive për të ecur përpara.
Përmes një postimi në “Facebook”, përcjell mesazhin për të ndërtuar një të ardhme më të mirë për fëmijët në Shqipëri, në mënyrë që të rriten si të gjithë fëmijët e tjerë të Evropës.
“Buzëqeshja në fytyrat e fëmijëve tanë është gëzimi dhe motivimi ynë për të bërë gjithçka që ata të kenë një jetë sa më të lumtur. Është forca për të tejkaluar sfidat në këto kohë të vështira dhe për të ecur përpara për ditë më të mira e për tu dhënë të gjithë prindërve sa më shumë mundësi për të plotësuar dëshirat e tyre. Le të jetë dashuria dhe mirësia që na dhurojnë çdo ditë fëmijët tanë shtysa, shpresa dhe besimi për të bërë gjithçka që e ardhmja e tyre në Shqipëri të jetë më e mirë, dhe ata të rriten me mundësi si gjithë fëmijët e tjerë europianë!#Gëzuar1Qershorin #Ditëmëtëmira.”
