Lulzim Basha reagoi zyrtarisht në emër të Partisë Socialistë mbi lajmin se Departamenti Amerikan I Shtetit kishte ka vendosur të mos lejoje hyrjen ne SHBA të Vangjush Dakos dhe familjes së tij.
Lideri I opozitës e ka quajtur ish kreun e bashkisë së Durrësit, politikan të korruptuar dhe pjesë e krimit të organizuar për vjedhjen e zgjedhjeve.
Basha shtoi gjithashtu se Dako ka mbrojtjen e Ramës. Sipas tij ndonëse është lajm I mirë që atij I është ndaluar hyrja në SHBA bashkë me familjen, në krahun tjetër mbetet lajm I keq fakti që ai ende nuk është përgjigjur para drejtësisë shqiptare.
Është lajm i mirë që Shtetet e Bashkuara të Amerikës kanë shpallur non grata Vangjush Dakon për “përfshirje në raste të mëdha korrupsioni.” Është lajm i keq që Vangjush Dako nuk ka dalë akoma para drejtësisë për asnjë rast korrupsioni.Vangjush Dako nuk është vetëm një politikan i korruptuar. Ai është pjesë e krimit te organizuar, në bashkëpunim me të cilin vodhi zgjedhjet për llogari të pushtetit të Edi Ramës. Si shpërblim, Vangjush Dako i dorëzoi krimit të organizuar kontrollin ekonomik dhe politik të Bashkisë së Durrësit.Është lajm i keq që Vangjush Dako ka si mburojë paprekshmërie nga drejtësia kryeministrin e vendit, Edi Rama. Veprat e mëdha të korrupsionit janë bërë nën mbrojtjen, me dijeninë dhe për përfitimin e Edi Ramës. Është Edi Rama ai që e mbron Vangjush Dakon apo siç e quajnë miqtë e tij, bankomatin personal të parave të pista të Edi Ramës.
Basha akuzon Ramën se ka mbrojtur Dakon dhe lidhjet e tij kriminale, e kjo është arsye sipas liderit demokrat që PD të luftojë deri në fund për largimin e këtij kryeministri.
Përpara ligjit dhe Kushtetutës, Edi Rama zgjodhi gjithmonë Dakon, edhe kur gazeta gjermane BILD tregoi bashkëpunimin direkt me krimin e organizuar për të blerë zgjedhjet në 2017. Edi Rama i mbron kriminelët e tij, brenda dhe jashtë politikës, sepse ai e ka të qartë se as nuk e merr dhe as nuk e mban dot pushtetin pa krimin.Prandaj, largimi i Edi Ramës është zgjidhja për të shkëputur lidhjet e politikës me krimin, për të vënë qeverinë në interes të qytetarëve, jo të krimit dhe të oligarkëve me të cilët vjedh çdo ditë shqiptarët.
