Kryedemokrati Lulzim Basha, një ditë pas Kuvendit Kombëtar të PD-së, ka postuar një nga mesazhet e tij që dha dje para demokratëve.
Përmes një postimi në ‘Facebook’, ai nënvizoi se kjo parti caktoi dje që të ndryshojë për mirë.
“Çfarë ka ndodhur pas 9 shtatorit padiskutim po na ndryshon. Dhe ne sot zgjedhim që të na ndryshojë për mirë. Sepse si do të jetë Partia Demokratike sot, do të jetë Shqipëria nesër!
Ndaj edhe ky Kuvend zhvillohet si një akt i vetëdijshëm, i një përgjegjësie të lartë nga ana e Partisë Demokratike për një moment jetik, thelbësor dhe pa të dytë në historinë tonë që nga themelimi.
