Aurela Basha, bashkëshortja e kreut të Partisë Demokratike, publikoi një foto në rrjetin e saj social “Instagram”, ku shfaqej së bashku me Lulzim Bashën, teksa udhëtonin me makinë.
Basha shihet në timon, i veshur sportiv. Mirëpo, bie në sy se Basha nuk ka vendosur rripin e sigurimi.
“Një pasdite të këndshme të gjithëve”, shkruan Aurela përkrah fotos.
Aurela Bashën e kemi parë kohët e fundit tepër aktive në rrjetet sociale, ku shpeshherë nxjerr momente me bashkëshortin e saj, ku ky i fundit shfaqet duke i lexuar të bijës, si dhe duke gatuar në shtëpi.
