Kryedemokrati Lulzim Basha ka publikuar një videomesazh.
Lideri demokrat u shpreh se nuk i ka përdorur kurrë si fasadë gratë, ndërsa i konsideron si gjysma më e mirë e shoqërisë shqiptare.
Ai shton se gratë janë forca e ndryshimit dhe se qëllimi i tij është që t’u sigurojë një jetë më të mirë po ashtu dhe për fëmijët e tyre.
“Më thonë se çdo fushatë ka nevojë për një reklamë me në qendër gruan. Ku flitet për për rëndësinë e saj etj. etj. Kështu bëjnë të gjithë…Por nuk ka pse të jetë kështu…Unë jam bashkëshort dhe babai i dy vajzave të mrekullueshme. Une i njoh mirë dhe i respektoj ëndërrat dhe ambiciet tuaja, gjysmës më të mirë të shoqërisë. Ndaj nuk ju kam përdorur kurrë si fasadë apo si numër. Ju jeni forca e ndryshimit që kërkon Shqipëria. Qëllimi ynë është të sigurojmë një jetë më të mirë për çdo grua në Shqipëri. Që fëmijët tanë të kenë një të ardhme më të mirë këtu në vendin tonë. Bashkë për ndryshimin! Voto 9, Partia Demokratike!”
