Menjëherë pasi kryeministri Edi Rama e ka vënë përballë kancelares gjermane Angela Merkel, kreu i Partisë Demokratike, Lulzim Basha i është përgjigjur përmes një postimi në Twitter.
Në postimin e tij Basha shkruan se sa i përket vendimit kundër hapjes së negociatave, duke theksuar se pavarësisht se Shqipëria meriton hapjen e negociatave, ka një person që e pengon.
“Ne mbështesim 100% qëndrimet e liderëve të BE. Shqipëria e meriton hapjen e negociatave. Shqipëria meriton më të mirën. Për fat të keq ka një njeri që e pengon këtë rrugë. Ata duan ta pranojnë Shqipërinë, por në mënyrë të përsëritur ata refuzojnë Ramën”.
