Partia Demokratike vijon të akuzojë kryeministrin Rama si përgjegjës kryesor për përfshirjen e krimit në politikë.
Gazmend Bardhi publikoi një video në facebook duke shtuar se 5 kryebashkiaket e denoncuar deri tani se kanë qënë të dënuar në të kaluarën janë vetëm maja e ajsbergut e lidhjes se Ramës me krimin.
Sekretari i Përgjithshëm I PD shton se Rama e ka bazuar karrierën e tij politike duke u mbështetur pikërisht tek kriminelet.
Edi Rama është përgjegjës kryesor për përfshirjen e krimit në politikë. 5 kryebashkiakët e rinj ilegjitimë, trafikantë droge, hajdutë, falsifikatorë, dhunues apo vrasës janë vetëm maja e ajsbergut të lidhjeve të Edi Ramës me botën e errët të krimit, tek e cila bazoi karrierën politike dhe po mban pushtetin. Ndarja e politikës nga krimi nis me largimin e Edi Ramës.